पोखरा । राम नवमीको अवसरमा फिल्म ‘चित्रा’ को घोषणा गरिएको छ । आगामी भदौबाट छायांकनमा जाने सिनेमामा निर्माता सन्तोष अधिकारीको मुख्य भूमिका रहनेछ ।
चित्रामा सन्तोष अधिकारी को साथमा अर्पण थापा को पनि अभिनय रहने छ् ।
निर्देशक घनश्याम लामिछानेले पारिवारिक कथामा निर्माण हुने सिनेमाको छायांकन नेपालमा नै गरिने र सिनेमाले मध्यम वर्गीय बाबु र छोरीको कथा प्रस्तुत गर्ने बताउनुभयो ।
निर्देशक लामिछाने निर्देशनमा निर्माण भएको सिनेमा ‘लण्डन टु पेरिस’ प्रदर्शनको तयारीमा छ । यो सिनेमाको प्रदर्शन पश्चात ‘चित्रा’ फ्लोरमा जाने तयारी भैरहेको छ ।
उहाँले ‘धौली, पञ्चेबाजा, अग्निदहन’ लगायतका सिनेमा निर्देशन गरिसक्नुभएको छ ।
‘चित्रा’ एसाप इन्टरटेनमेन्टको प्रस्तुतिमा सन्तोष अधिकारी फिल्मस्को ब्यानरमा निर्माण हुनेछ । भावना पन्तको लगानी रहने सिनेमाको कथा अजय अधिकारीले तयार पार्नुभएको हो ।
अजयको कथालाई अहिले मनिष गौतमले पटकथा तथा संवादमा ढालिरहेका छन् ।
सिनेमामा कथाकार अधिकारीको गीत रचना र सुरेश राईको संगीत रहनेछ ।
निर्माता अधिकारीले केही समय अगाडि ‘डलर एयुडी’ नामक सिनेमाको पनि निर्माण घोषणा गर्नुभएको थियो । उक्त सिनेमा पनि चाँडै फ्लोमा जाने तयारीमा रहेको अधिकारीले बताउनुभयो । उहाँले निर्माण गरेको सिनेमा ‘तीन जन्तु’ प्रदर्शनको तयारीमा रहेको छ ।
