नवौं राष्ट्रिय खेलकु्द प्रतियोगिताका सबै खेल गण्डकी प्रदेशमै गर्नुपर्ने प्रदेश बासीको माग

नगेन न्यूज
  • ख-
  • ख+

पोखरा १०, साउन ।
नवौं राष्ट्रिय खेलकु्द प्रतियोगिताका सबै खेल गण्डकी प्रदेशमै गर्नुपर्ने प्रदेश बासीले माग गरेका छन् । खेलस्थल व्यबस्थापन उपसमितिले मंगलबार पोखरा रंगशालामा आयोजना गरेको छलफल कार्यक्रममा सहभागि गण्डकी प्रदेश बासीले उक्त प्रतियोगिताका ३६ वटै खेलहरु गण्डकी प्रदेशकै हुनु पर्ने माग गरेका हुन् ।
सुटिङ, सुइमिङ लगायतका खेलको लागि प्रदेश भित्रै उपयुक्त स्थानको खोजि गर्न छलफलमा सहभागि राष्ट्रिय, अन्तराष्ट्रिय खेलाडी, विभिन्न खेल संघका पदाधिकारी र सरोकारवालाहरु एवं खेलकुदकर्मीहरुले उक्त राय व्यक्त गरेको खेलस्थल व्यबस्थापन उपसमितिका सचिव एवं पश्चिमाञ्चल क्षेत्रिय खेलकुद विकास समितिका निर्देशक कृष्ण प्रसाद तिमिल्सिनाले बताउनुभयो ।
खेलस्थल व्यबस्थापन उपसमिति संयोजक एंव राखेपका सदस्य राजेशकुमार गुरुङको अध्यक्षतामा मंगलबार सम्पन्न भएको छलफलमा राखेपका पूर्व सदस्य खड्क बहादुर रानाभाटले उक्त प्रतियोगिता प्रदेशबासीको इज्जत र प्रतिष्ठा संग जोडिएकोले कुनै पनि खेलको लागि अनुकुल वातावरण बनाउनु पर्नेमा जोड दिनुभयो ।
पोखरा रंगशाला जग्गा प्लटीङ भएसरी मनपरी ढंगले भौतिक संरचना भएको उहाँको गुनासो थियो । खेलकुदको भौतिक पूर्वाधार निर्माणमा जोड दिदै, पोखराको कला संस्कृति प्रदर्शनको तयारी गर्नु पर्ने, खेल स्थलहरुमा सौन्दर्यकरण लगायतका कुरामा बिषेश ध्यान दिनुपर्ने छलफलमा सुझाव आएको सचिव तिमिल्सिनाले जनाउनुभयो ।
खेलस्थल व्यबस्थापन उपसमिति संयोजक गुरुङले छलफलमा उठेका कुरा र प्रदेशका विभिन्न ठाँउमा खेल मैदानहरुको अध्ययन अवलोकन गरेको आधारमा यही साउन १५ गते हुने राखेपको वोर्ड बैठकमा राख्ने बताउनुभयो । आउँदो असोज २८ देखि कार्तिक ३ गतेसम्म उक्त प्रतियोगिता गण्डकी प्रदेशमा हुने भएको छ । गण्डकी प्रदेशको राजधानि पोखरा अन्र्तगत नेपालकै ठुलो पोखरा रंगशालामा धेरै खेलहरु हुन सक्ने संयोजक गुरुङले बताउनुभयो ।

नगेन न्यूज पब्लिकेशन प्रा. लि. द्वारा संचालित यो अनलाईन डिजिटल पत्रिका हो । बि.सं. २०७२ साउन ११ गते देखि औपचारीक संचालित यो अनलाइनले मूलत शान्ति, पर्यटक, कला प्रबन्धन र समसामयीक समाचार प्रकाशन गर्दै आईरहेको छ ।
नगेन न्यूजको अनलाईन टिभी पनि संचालित छ । फेसवुक, ट्विटर, भाइवर, इन्स्टाग्राम टिकटकमा पनि हामी संग जोडिन सक्नु हुनेछ । जय कला क्रान्ति !!!
प्रतिक्रिया दिनुहोस्

संगीतकला

चित्रकला