पोखरा । फादर्स डे वा “बुबाको मुख हेर्ने दिन ” कुशे औंसी दिनको दिनमा आफ्ना बुबालाई मिठो खाना र उपयोगि गिफ्ट दिएर सम्मान गर्ने गरिन्छ ।
यस दिन बुवाको मुख हेर्ने, अर्थात बुवा दिवसको रूपमा मनाई बुवालाई विशेष सम्मान गर्ने र आमाबाबु नहुनेले तीर्थमा खासगरी गोकर्ण र विष्णुपादुकामा श्राद्ध, तर्पण, दान, पुण्य गरी पितृ तार्ने र आफू पुण्यात्मा बन्ने विश्वास गरिन्छ ।
सोहि अवसर पारेर पोखरामा पहिलो पटक नन्द इन्टरटेन्मेन्ट हाउसको आयोजनामा २० जोडि बुबा र छोरा,छोरीले एक साथ बुबाको मुख हेर्न दिन मनाएका छन् ।
शनिवार पोखरा उद्योग बाणिज्य सघंको सभाहलमा छोरा छोरिले केक खुवाएर र उपहार दिएर एकसाथ बुबाको मुख हर्ने दिनमा सहभागि भएको संचारकर्मी देवेन्द्र शाहीले बताउनुभयो ।
कार्यक्रममा २ वटा राउन्ड समावेश गरिएको थियो पहिलो राउन्डमा केक खुवाउने र दोस्रो राउन्डमा गिफ्ट आदान प्रदानको साथमा फोटो सेसन समेत समावेश गरिएको थियो ।
कार्यक्रमका प्रमुख अतिथी गण्डकी प्रदेश सभा सदस्य राज कुमारी भुजेलले माता पिताको आदर सत्कार गर्नु छोरा छोरीले स्वयम् आफूले आफैँलाई चिन्नु भएको बताउदै त्यो अवसर कार्यक्रम मार्फत आँफुले छोरी प्राप्त गरेकोमा खुसि व्यक्त गर्नुभयो ।
कार्यक्रममा इन्टरनेशनल कलेज अफ एप्लाइड साइन्सका प्रमुख समिर थापा, गितकार करण तामाङ,अलौकिक कवि देशभक्त कुवँर लगाएतको सहभागिता रेहेको थियो भने पोखरा चाइल्ड स्टार,गण्डकी स्टारका बिभिन्न समयका बिजेताले सांगितिक प्रस्तुति राखेका थिए ।
यसै बिच उक्त अबसर पारेर बुबा प्रति सर्मपित गित कोपिला ३ समेत सार्वजनिक गरिएको थियो ।
सार्वजनिक भएको गितमा सिम्रन परियारको आवाज रहेको भने गित अलौकिक कवि देशभक्त कुवँरले लेख्नुभएको हो भने गितमा शितल केसी, गृष्मा गौतम, समिर कुमाल, कोपिला गौतमको अभियन रहेको छ ।
नन्द इन्टरटेन्मेन्ट हाउसले डान्स गण्डकी डान्स,पोखरा चाईल्ड स्टार ,सोसल अवार्ड जस्ता कार्यक्रमहरु गदै आइरहेको छ ।
