पोखरा । नेपाली लोकसंगीतमा विकृति मौलाइरहेको बेला गाउँठाउँको मौलिक झ्याउरे भाकालाई संरक्षण गर्ने उद्देश्यले गायक रामचन्द्र ढकालले नयाँ गीत ‘घन घन मादल’ सार्वजनिक गर्नुभएको छ । गीत ढकालकै अफिसियल युट्युब च्यानलमार्फत सार्वजनिक गरिएको हो ।
लोकप्रिय गायिका शान्ती श्री परियार, रामचन्द्र ढकाल, लिला पौडेल र शंकर ढकालको स्वर रहेको यस गीतमा गायक शंकर ढकालको प्रस्तुती रहेको छ ।
गीतका लय तथा शब्द संकलन लिला पौडेलले गर्नुभएको छ भने भिडियोको परिकल्पना र निर्देशन रामचन्द्र ढकालकै रहेको छ ।
गायक रामचन्द्र ढकालले मौलिक झ्याउरे शैलीमा तयार पारिएको यस गीतले हराउँदै गइरहेका नेपाली मौलिक भाकाहरूको संरक्षणमा सहयोग पु¥याउने वताउनुभयो ।
गीतको भिडियोमा गुरुङ चलचित्रका महानायक तारा बहादुर गुरुङ लाहुरे भूमिकामा देखिनुभएको छ ।
त्यस्तै अनमोल भण्डारी, बिनु कार्की र कृष्णमाया पौडेलको अभिनयले भिडियोमा थप आकर्षण थपेको छ ।
‘घन घन मादल’ गीतले मौलिकताको स्वादमा रमाउने दर्शक र श्रोता माझ विशेष स्थान बनाउने विश्वास गरिएको छ ।
