पोखरा । पोखरा अन्तराष्ट्रिय नाटक महोत्सव २०८१ को तयारी पूरा गरिएको छ । पोखरालाई अन्तराष्ट्रिय सांस्कृतिक तथा नाट्य पर्यटनको केन्द्रका रुपमा स्थापित गर्ने उद्धेश्यले पोखरा थिएटरले महोत्सवको आयोजना गरिएको महोत्सव निर्देशक परिवर्तनले बताउनुभयो ।
बिहीबार पत्रकार सम्मेलन गरी चैतको ९ गतेबाट पाँचदिनसम्म चल्ने नाटकको तयारी पूरा भएको परिवर्तनले जानकारी दिनुभयो ।
उहाँले महोत्सवमा नेपालका साथै चीन, ट्युनिसिया, नर्वे र जापानका ६ वटा नाटक महोत्सवमा मञ्चन हुने जानकारी दिनुभयो ।
महोत्सवमा नेपालसँगै बाहिर देशका कलाकारहरुको पनि बाक्लो उपस्थिति रहने अपेक्षा राख्दै नाटकसँगसँगै फोरम थिएटर, कार्यशाला, खुल्ला छलफल, सम्वाद कार्यक्रम रहेको बताउनुभयो ।
पोखरालाई साँस्कृतिक तथा पर्यटन गन्तव्यका रुपमा अन्र्तराष्ट्रिय पहिचान दिलाउन महोत्सव महत्वपूर्ण हुने उहाँको अपेक्षा छ ।
पोखरा थिएटरले ६ वर्षपछि अन्तर्राष्ट्रिय नाटक महोत्सवका गर्न लागेको हो ।
परिवर्तनले थिएटरले पुन पोखरा अन्तर्राष्ट्रिय नाटक महोत्सव आयोजना गर्न लागेको र कोभिड पछि अन्तर्राष्ट्रिय नाटक महोत्सवलाई निरन्तरता दिन नसकेपनि यो महोत्सवले नेपाली तथा अन्तर्राष्ट्रिय नाट्य समुदायलाई एकसाथ ल्याउने विशेष अवसर हुने विश्वास व्यक्त गर्नुभयोे ।
