काठमाण्डौको नयाँ बानेश्वरको एनबी सेन्टरमा रहेको उमोजा कफीमा रवि मिश्रको ‘डिपिक्सन’ एकल कार्टुन प्रदर्शनी आउँदो १४ गतेसम्म बिहान ९ बजेदेखि बेलुकी ९ बजेसम्म चल्नेछ।
प्रदर्शनीमा मिश्रका ३५ वटा कार्टुन राखिएका छन्। १७ वर्षदेखि कार्टुन बनाइरहेका मिश्रले ३ हजार भन्दा धेरै कार्टुन बनाइसकेका छन्।
कार्टुनलाई सञ्चार मात्रै नभएर संवाद पनि बनाउन सकिने भएकाले दोहोरो संवाद गर्न आफूले कार्टुन प्रदर्शनी गरेको मिश्रले बताउनुुभयो ।
प्रदर्शनीमा राजनीतिक तथा सामाजिक क्षेत्रका समसामयिक विषयमा व्यङ्ग्य गरिएका कार्टुन राखिएका छन् ।