पोखरा । जिल्ला प्रशासन कार्यालय कास्कीले प्रशासनको हरितालिका तिजको बहानामा स्वीकृती विना भड्किलो कार्यक्रम गरे कारवाही गर्ने बताएको छ ।
कास्की प्रशासनले सूचना प्रकाशित गर्दै हरितालिका तिज नजिकिदै गएकाले तिज पर्व मनाउने नाममा तडकभडक सहितका खर्चिला, भड्किला कार्यक्रमहरु सञ्चालन नगर्न आग्रह गरेको हो ।
कास्की प्रशासनले सूचना सामाजिक व्यवहार सुधार ऐन तथा नियमवाली २०३३ र अन्य प्रचलित कानूनको विपरित हुने गरी कोही कसैले त्यस्ता गतिविधि जात्रा,मेला महोत्सव, पार्टी जस्ता कार्यक्रम सञ्चालन नगर्न सूचनामार्फत अनुरोध समेत गरेको छ ।
सूचना विपरित कार्यक्रम सञ्चालन गरे प्रचलित कानून बमोजिम कारवाही गर्ने कास्की प्रशासनले जनाएको हो ।
