काठ्माण्डौं । एसिया कप क्रिकेटका लागि नेपाली टोलीको घोषणा भएको छ । पाकिस्तान र श्रीलंकामा आयोजना हुने उक्त प्रतियोगिताका लागि क्यानले सोमबार नेपाली टोलीको घोषणा गरेको हो ।
क्यानले रोहित पौडेलको कप्तानीमा १७ सदस्यीय टोली घोषणा गरेको हो ।
सो टोलीमा रोहित पौडेलसँगै कुशल भुर्तेल, सन्दीप लामिछाने, करण केसी, ललित राजवंशी, भीम सार्की, कुशल मल्ल, दीपेन्द्रसिंह ऐरी, गुल्सन झा, आरिफ शेख, आसिफ शेख, सोमपाल कामी, प्रतिश जिसी, किशोर महतो, सन्दीप जोरा, अर्जुन साउद, श्याम ढकाल रहने छन् ।
अगष्ट ३१ बाट सुरु हुने यस एसिया कप क्रिकेटमा नेपाल, भारत र पाकिस्तान समूह ए मा रहेको छ । नेपालले पहिलो खेल पाकिस्तानसँग अगष्ट ३१ मा मुल्तानमा खेल्ने छ ।
यसअघि नेपाली टोलीले पाकिस्तानमा एक साता तयारी गर्ने क्यानले जनाएको छ । जसमा नेपालले केही अभ्यास खेल पनि खेल्नेछ ।