काठमाडौं, साउन २० । एफसी कप खेल्न भुटानको पारो एफसीको टोली नेपाल आइपुगेको छ ।
भुटानको पारो एफसीको टोलीलाई आज बिहान विमानस्थलमै स्वागत गरिएको छ ।
पारो एफसीले यही अगष्ट ८ ( साउन २३ ) मा नेपालको मच्छिन्द्र क्लबसँग खेल्नेछ । खेल दशरथ रंगशालामा हुनेछ । यो खेल कान्तिपुर टेलिभिजनमा प्रसारण हुनेछ ।
माउन्टन एभरेस्ट स्पोर्टस् इभेन्ट प्रालिले टिकटिङ अधिकार खरिद गरेको खेलमा साधारणतर्फ २०० र भीआईपीतर्फ ५०० रुपैयाँ टिकटदर रहेको जानकारी दिइएको छ ।
