अमेरिकाको युनिभर्सिटीले पोखराका मन्दिप अधिकारीलाई पूर्ण छात्रवृत्ति

पोखरा । संयुक्त राज्य अमेरिकाको मिसिसिपी राज्य अन्तरगत रहेका द युनिभर्सिटी अफ साउथर्न मिसिसिपीले पोखराका मन्दिप अधिकारीलाई पूर्ण छात्रवृत्ति प्रदान गरेको छ ।

युनिभर्सिटीले मन्दिप अधिकारीलाई कम्प्यटर साइन्समा स्नातक तह अध्ययनकोलागि पूर्ण छात्रवृत्तिको साथ साथै खान बस्नकोलागि पनि सुविधा प्रदान गरेको हो ।

पोखरा महानगरपालिका हेम्जा सुइखेतका बासिन्दा उहाँ पूर्णबहादुर अधिकारी र मैंया तिमिल्सिनाकी सुपुत्र हुनुहुन्छ ।
मन्दिपले ज्ञानसागर एकेडेमी हेम्जाबाट एस ई ई पास गर्नुभएको हो र कक्षा १२ सम्मको अध्ययन गण्डकी बोर्डिङ्ग स्कुल लामाचौर पोखराबाट पुरा गर्नुभएको हो ।

यही आउँदो अगष्ट महिनामा उहाँ अध्यायनको लागि अमेरिका प्रस्थान गर्नुहुनेछ ।