काठमाडौं । चलचित्र विकास बोर्डले फिल्म ‘काँडेतार’लाई १० लाख रुपैयाँ सहयोग प्रदान गरेको छ । नेपालको अन्तर्राष्ट्रिय सीमामा काँडेतार लगाएर व्यवस्थित गर्नुपर्छ भन्ने विषयमा फिल्म रहेको छ ।
शनिबार आयोजित बोर्डको २३ औं वार्षिकोत्सव अवसरमा सञ्चार तथा सूचना प्रविधिमन्त्री रेखा शर्माले फिल्मलाई उक्त राशी प्रदान गर्नुभयो ।
स्टोरी बैंक ( कथा संग्रहालय ) अन्तर्गत ‘काँडेतार’को कथालाई उत्कृष्ट ठर्हयाउँदै बोर्डले रकम प्रदान गरेको हो ।
गत वर्ष बोर्डले स्टोरी बैंकका लागि सार्वजनिक रुपमा कथा आह्वान गरेको थियो ।
नवल खड्का निर्देशित र निर्मित यो फिल्मले नेपालमा विदेशी हस्तक्षेप, सीमा अतिक्रमणविरुद्धको सन्देश दिन्छ ।
यो फिल्म फागुन २५ गतेदेखि प्रदर्शन हुँदैछ ।
पुरस्कार ग्रहण गर्दै निर्देशक तथा निर्माता खड्काले देशभक्ति र राष्ट्रवादी भावनामा निर्मित फिल्मलाई सरकारले सहयोग प्रदान गरेकोमा स्वदेशी फिल्मको प्रवद्र्धनमा सहयोग पुगेको महसुस गरेको बताउनुभयो ।
२०७७ सालमा बोर्डले यथार्थपरक, कलात्मक फिल्म निर्माणका लागि प्रोत्साहन गर्न ‘स्टोरी बैंक’ स्थापना गरेको हो ।
