पोखरा, असार १३ । मलेसियन गुरु आनन्दले बिकासको मुलआधार शिक्षा र स्वास्थ्य रहेकोले आफ्नो सहयोग शिक्षा र स्वास्थ्यमा निरन्तर रहीरहने बताउनुभएको छ ।
गुरु आनन्दको सम्मानमा पोखरामा बुधबार आयोजित कार्यक्रममा गुरु आनन्दले सो कुरा बताउनुभएको हो ।
उहाँले सो कार्यक्रममा भवन निर्माणका लागि पुम्रुखुं बराह मावीलाई २० लाख, रोटरी क्लब लेकसाइडलाई किड्नी डायलसिसको लागि १० लाख, तेस्रो अन्नपूर्ण म्याराथनको लागि ३ लाख रुपैया हस्तान्तरण गर्नुभयो ।
उहाँले नेपालको हिमाली क्षेत्रमा अदितिय सम्भावना र अलौकिक आनन्द प्राप्त गर्ने भएकाले यस क्षेत्रको बिकासको लागि आइरहने बताउनुभयो ।
गुरु आनन्द ४० बर्षदेखि नेपालको अन्नपूर्ण रिजनमा आएर शिक्षा, स्वास्थ्य र बौद्ध गुम्बाहरुमा सहयोग गरिरहनु भएको छ ।
नेपालीहरुको सांस्कारप्रति आफु निकै प्रभावित रहेको बताउँदै नेपालको हिमाली क्षेत्रमा आएर ध्यान र योगमा नयाँ आयाम थपेको बताउनुभयो । उहाँले मानव जिवनलाई उर्जाशिल र सार्थक बनाउन योग र ध्यानको बिशेष महत्व रहेको बताउनुभयो ।
कार्यक्रममा गण्डकी प्रदेश तेक्वान्दो संघले गुरु आनन्दले सल्लाहकारमा समेत मनोनयन गरेको छ ।
सो अवसरमा अध्यक्ष जगन बहादुर गुरुङ, महासचिव रमेश पौडेल, कोषाध्यक्ष माइकल कर्मचार्य लगायत कार्यसमितिका सदस्यहरुले गुरु आनन्दलाई मनोनयन–पत्र हस्तान्तरण गरिएको थियो ।
कार्यक्रममा अध्यक्ष गुरुङले नेपालको शिक्षा, स्वास्थ्य, सँस्कृति, पर्यटन र खेल क्षेत्रमा गुरु आनन्दले गर्नुभएको सहयोग अतुलनीय रहेको बताउनुभयो ।
त्यसैगरी एप्सुलुट डोजाङ्का रेकमाया गुरुङले तेक्वान्दोका विभिन्न विधाका खेलहरु प्रर्दशन गराउनुभएको थियो ।
कार्यक्रम संचालक घरना गुरुङले गुरु आनन्दले रोटरी क्लबमा मात्र नभई अन्य क्षेत्रमा समेत उहाँको योगदान थियो ।
