राजस्थान आईपीएलको शीर्ष स्थानमा

नगेन न्यूज
  • ख-
  • ख+

इन्डियन प्रिमियर लिग (आईपीएल) मा दिल्ली क्यापिटल्सलाई पराजित गर्दै राजस्थान रोयल्स शीर्षस्थानमा उक्लिएको छ ।

शुक्रबार राति भएको खेलमा राजस्थानले दिल्लीलाई १५ रनले हराएको हो । २२३ रनको विशाल लक्ष्य दिल्लीले पूरा गर्न सकेन । दिल्ली ८ विकेट गुमाएर २०७ रनमा समेटिएको हो ।

दिल्लीका लागि कप्तान ऋषभ पन्तले ४४, पृथ्वी शाले ३७ र डेविड वार्नरले २८, ललित यादवले ३७, रोमन पोविलले ३६ रन जोडेका थिए । अन्य खेलाडीले भने राम्रो अंक जोड्न सकेनन् ।

राजस्थानका प्रसिद्ध कृष्णले तीन, रविचन्द्रन आश्विनले २, युजभेन्द्र चाहल र ओबेद मककायले समान एक/एक विकेट लिए ।

 

पहिले ब्याटिङ गरेको राजस्थानले जोस बटलरको शतकीय मद्दतमा २ विकेट गुमाएर २२२ रन बनाएको थियो ।

ओपनर जोस बटलर एक्लैले विस्फोटक ब्याटिङ गर्दै ११६ बनाएर आउट भए । आईपीएल २०२२ मा बटलरको यो तेस्रो शतक हो ।  देवदत्त पाडिक्कले ५४, सञ्जु सामसनले ४६ रन जोडे ।

दिल्लीका मुस्ताफिर रहमान र खलिल अहमदले एक/एक विकेट लिए ।

नगेन न्यूज पब्लिकेशन प्रा. लि. द्वारा संचालित यो अनलाईन डिजिटल पत्रिका हो । बि.सं. २०७२ साउन ११ गते देखि औपचारीक संचालित यो अनलाइनले मूलत शान्ति, पर्यटक, कला प्रबन्धन र समसामयीक समाचार प्रकाशन गर्दै आईरहेको छ ।
नगेन न्यूजको अनलाईन टिभी पनि संचालित छ । फेसवुक, ट्विटर, भाइवर, इन्स्टाग्राम टिकटकमा पनि हामी संग जोडिन सक्नु हुनेछ । जय कला क्रान्ति !!!
प्रतिक्रिया दिनुहोस्

संगीतकला

चित्रकला