काठमाडौँ । चलचित्र निर्देशक समाजको अध्यक्षमा अरुणकुमार प्रधान निर्वाचित हुनुभएको छ ।
मंगलबार राती सम्पन्न निर्वाचनको अन्तिम परिणामअनुसार प्रधानले आफ्ना प्रतिद्वन्द्वी जनकदीप पराजुलीलाई पराजित गर्नुभएको थियो ।
दुई उपाध्यक्ष पदमा सुवास गजुरेल र दीपक वली निर्वाचित हुनुभयो । महासचिवमा समुन्द्र भट्ट विजयी हुँदा सचिव पदमा राजबहादुर साने निर्वाचित हुनुभएको छ ।
कोषाध्यक्षमा जनक खड्का निर्विरोध निर्वाचित हुनुभयो । सहकोषाध्यक्षमा उत्सव केसी निर्वाचित हुनुभयो ।
सदस्यहरुमा लक्ष्मण सुवेदी, लक्ष्मण सुनार, साकार पन्त, अमरदीप सापकोटा, शिव शर्मा कँडेल र हस्तबहादुर लिम्बु निर्विरोध निर्वाचित भएका छन् ।
