लेखनाथ । भक्तपुर उद्योग बाणिज्य संघको भ्रमण टोलिलाई लेखनाथ उद्योग वाणिज्य संघमा शनिवार स्वागत गरि छलफल तथा अन्र्तकृया कार्यक्रमको आयोजना गरेको छ ।
वि.सं २०५८ माघ ५ गते लेखनाथ उद्योग वाणिज्य संघ र भक्तपुर उद्योग वाणिज्य संघ विच भातृत्व सम्बन्ध गासिएको र सो सम्बन्धलाई ताजकी बनाउदैं भक्तपुर उद्योग वाणिज्य संघका पाल्नुभएका नवनिर्वाचित कार्यसमिति टिमलाई लेखनाथमा संघका अध्यक्ष जानुका पराजुली अधिकारीको अध्यक्षतामा स्वागत तथा छलफल कार्यक्रमको आयोजना गरिएको थियो ।
कार्यक्रममा बोल्दै भक्तपुर उद्योग बाणिज्य संघका अध्यक्ष कृष्णमुरारी न्यौपानेले संस्थाका गतिविधिहरु, उद्योगी व्यवसायीले भोग्नुपरेका समस्या र संघबाट हुने कार्यक्रमका वारेमा चर्चा गर्नुहुदै लेखनाथ उद्योग वाणिज्य संघका कार्यसमिति टिमलाई भक्तपुर उद्योग वाणिज्य संघमा निमन्त्रणा समेत गर्नुभएको थियो ।
लेखनाथ उद्योग बाणिज्य संघका संस्थापक अध्यक्ष चन्द्रकृष्ण कर्माचार्यले विगतमा भातृत्व सम्बन्ध गास्नुको मुख्य उद्देश्य र पुराना दिन स्मरण गर्नुहुदैं दुवै संघ विचको सहकार्यलाई मजबुद बनाउनुपर्ने धारणा राख्नुभएको थियो ।
कार्यक्रममा लेखनाथ उद्योग वाणिज्य संघका पुर्व अध्यक्ष क्रमश चतुराखर अधिकारी, सुमन भट्टराई, लक्ष्मीप्रसाद त्रिपाठी, बलराम ढकाल, छत्रधर आत्रेय, त्यसै गरि भक्तपुर उद्योग वाणिज्य संघका निवर्तमान अध्यक्ष रोशनीमैया धौवन्जा, पुर्व अध्यक्ष शिवप्रसाद मानन्धर लगायतले दुई संस्था विचको सम्बन्ध र भाईचार बारे चर्चा गर्नुभएको थियो ।
करिब २५ वर्षको भातृत्व सम्बन्ध र दुई संघ विचको भाईचार र आत्मियता कायम गर्दै एक आपसमा अनुभव साटासाट गरिएको सो छलफल कार्यक्रममा दुवै संघले गरेका काम र आगामी दिनमा पनि सहकार्य गर्दै अगाडि बढ्ने बताउनुभएको थियो ।
दुवै संस्थाका पदाधिकारी, कार्यसमिति सदस्य लगायतको सहभागिता रहेको कार्यक्रमको संचालन संघका महासचिव भरतराज ओझाले गर्नुभएको थियो भने धन्यवाद ज्ञापन सहित समापन संघका बरिष्ठ उपाध्यक्ष गोपिचन्द्र बास्तोलाले गर्नु भएको थियो ।
