काठमाडौं । चलचित्र निर्माता संघको अध्यक्षमा उदय सुब्बा निर्वाचित हुनुभएको छ ।
सोमबार सम्पन्न नयाँ कार्यसमितिको निर्वाचनमा सुब्बाले अध्यक्षका अर्का प्रत्यासी सुनिलकुमार थापालाई पराजित गर्नुभयो । सुब्बाले १५३ र थापाले १२७ मत प्राप्त गर्नुभयो ।
महासचिवमा खगेन्द्र लामिछाने निर्वाचित हुनुभयो । उहाँले सोही पदका अर्का प्रत्यासी किरण नेपालीलाई पराजित गर्नुभयो ।
लामिछानेले १५२ र नेपालीले १२५ मत प्राप्त गर्नुभयो ।
सचिवमा युवराज गिरी निर्वाचित हुनुभएको छ । उहाँले सोही पदका अर्का प्रत्यासी किसान पोखरेललाई पराजित गर्नुभयो ।
गिरीले १५९ र पोखरेलले ११२ मत प्राप्त गर्नुभयो ।
सोमबार राजधानीमा आयोजित संघको १९ औं वार्षिक साधारण सभाको क्रममा नयाँ कार्यसमितिको चुनाव आयोजना गरिएको थियो ।
नवनिर्वाचित अध्यक्ष सुब्बाले एसएस इन्टरटेनमेन्ट प्रालिको प्रतिनिधिको रुपमा चुनाव लड्नुभएको थियो ।
उपाध्यक्ष, कोषाध्यक्ष, सदस्यमा सर्वसम्मत
उपाध्यक्षमा रौनकविक्रम कँडेल र ज्योतिराज राई सर्वसम्मत चुनिनुभएको छ । कोषाध्यक्षमा रामप्रसाद रिजाल निर्विरोध निर्वाचित हुनुभएको छ ।
९ जनाको सदस्य पदका लागि ७ जनाले मात्र आवेदन दिएपछि सबैजना सर्वसम्मत भएका छन् ।
निर्विरोध चुनिने सदस्यहरूमा चुम्बनजंग शाही, टंकबहादुर बुढाथोकी, श्रीधर पौडेल, मनोजकुमार अधिकारी, प्रवीण कार्की, घनेन्द्र थपलिया र राजकुमार पण्डित छन् ।
