पोखरा, १४ चैत । नयाँ सरकार गठन गर्नका लागि दाबी पेस गर्न गण्डकी प्रदेश प्रमुख पृथ्वीमान गुरुङले आह्वान गरेका छन् ।
बैशाख ९ गते मुख्यमन्त्री खगराज अधिकारीले सदनबाट विश्वासको मत प्राप्त गर्न नसकेपछि नयाँ सरकार गठनका लागि प्रदेश प्रमुख गुरुङले आह्वान गर्नुभएको हो ।
उहाँले नयाँ सरकार गठनका लागि आजको मितिदेखि ३ दिन अर्थात बैशाख १४ गते दिउँसो ४ बजेसम्मको समय दिनुभएको छ । प्रदेश प्रमुख गुरुङले नेपालको संविधानको १६८ को उपधारा २ अनुसार सरकार गठन गर्न आह्वान गर्नुभएको हो ।
उक्त उपधारा अनुसार प्रदेश सभामा प्रतिनिधित्व गर्ने दुई वा दुईभन्दा बढी दलको समर्थनमा प्रदेशसभा सदस्यले मुख्यमन्त्रीमा दाबी पेस गर्न उहाँले आह्वान गर्नुभएको छ ।
६० सदस्यीय प्रदेशसभामा सरकार बनाउन ३१ जना भए बहुमत पुग्छ । प्रदेश सभामा नेपाली कांग्रेसको २७, माओवादी केन्द्रको ७, एमालेको २२, एकीकृत समाजवादीको एक, राप्रपाको २ सांसद रहेका छन् ।
