पोखरा ।
सत्य साई बाबाको ९७ औं जन्मोत्सवको उपलक्ष्यमा श्री सत्य साइ सेवा संगठन नेपाल, श्री सत्य साइ प्रदेश समिति ४ अन्तरगत श्री सत्य साइ केन्द्र सिमल चौर पोखरा शाखाको आयोजनामा शुक्रबार खुल्ला रक्तदान कार्यक्रममा ४८ युनिट रगत संकलन भएको छ ।
कार्यक्रममा प्रमुख अतिथि सत्य साइ केन्द्र सिमलचौरका सल्लाहकार तथा रोटरी क्लब अफ पोखरा अन्नपूर्ण का २२÷२३ का इलेक्ट प्रेसिडेन्ट तोय बहादुर भट्टराईले दिप प्रज्ज्वलन गरी कार्यक्रमको उद्घाटन गर्दै रक्तदानको महत्वको वारे वोलेका थिए ।
कार्यक्रम संयोजक अनिता रंजितले स्वागत गर्दै सहयोगी तथा रक्तदाताहरुलाई धन्यबाद दिएकी थिइन ।
श्री सत्य साई केन्द्र सिमलचौर पोखराकी अध्यक्ष अम्बि श्रेष्ठ मल्लको अध्यक्षतामा भएको कार्यक्रमको संचालन क्षेत्र नं. ४ की उपाध्यक्ष प्रेमा गिरीले गरेकी थिइन ।
सो अवसरमा संस्थाका उपाध्यक्ष कमला भट्टराई तथा सल्लाहकारहरुले रक्तदाताहरुलाइृ प्रमाणपत्र वितरण गरेका थिए ।
कार्यक्रममा आध्यात्मिक समिति, सेवा समिति, शिक्षा समिति, महिला समिति, युवा समितिका संयोजक तथा सदस्यहरुको उल्लेख्य उपस्थिति रहेको थियो ।
