काठमाडौं महानगरले न्युरोडस्थित आरबी कम्प्लेक्सअगाडिको संरचना भत्काउन सुरु

न्युरोडस्थित आरबी कम्प्लेक्सअगाडिको संरचना पनि काठमाडौं महानगरले भत्काउन सुरु गरेको छ । महानगरले डोजर चलाएर संरचना भत्काएको हो । आजै नक्सा पासबिना बनाइएको काठमाडौं मलअगाडिको संरचना पनि महानगरपालिकाले भत्काएको छ ।

आजलाई काठमाडौं मल र आरबी कम्प्लेक्सको मात्र संरचना भत्काउने योजना महानगरको छ । अवैध रूपमा बनाइएको संरचनाको सूची महानगरले राखेको र बाँकी ठाउँको संरचना भोलिसम्म नभत्काएमा महानगर आफैँले भत्काउने प्रवक्ता नवीन मानन्धरले जानकारी दिए ।