डा। बाबुराम भट्टराईको साथ राजनीतिक ७ वर्षअघि नयाँ शक्ति पार्टी हुँदै यात्रा तय गरेका कृषि विज्ञ मदन राई राजनीतिबाट अलग्गिएका छन् ।
डा। भट्टराईको नेतृत्वको नयाँ पार्टी नेपाल समाजवादी पार्टीको केन्द्रीय समितिमा राई अटाएका छैनन् । शनिबार साँझ फेसबुकमा एक स्टाटस अद्यावधिक गर्दै राईले भट्टराईसँगको राजनीतिक यात्राबाट अलग भएको घोषणा गरेका छन् ।
‘म अलग भएँ, क्याडर पावरको राजनीति मलाई पीडापूर्ण थियो,’ उनले लेखेका छन् । लामो समय नेपाली कांग्रेसमा आवद्ध भएर राजनीति गरेका उनी उक्त पार्टी परित्याग गरी १६ वर्ष स्वतन्त्र बसेका थिए । २०७२ मा डा। बाबुराम भट्टराईले गठन गरेको नयाँ शक्ति पार्टीको ३५ सदस्यीय कमिटीमा राई पनि थिए ।
पछिल्लो सात वर्षमा डा। भट्टराई शक्ति र मिसमास राजनीतितिर लागेपछि आफू सल्लाहमा नै अलग बसेको राईले स्पष्ट पारेका छन् । ‘७ वर्षमा हाम्रो टिमबाट मैले धेरै सिकें, सिकाएँ पनि । प्रयास पास भएन तर अभ्यास धेर भए, राम्रा भए,’ उनले लेखेका छन्, ‘अरुलाई सहयोग गर्न धेरै काम लाग्नेछन् ।’