अक्षय कुमारको फिल्म सम्राट पृथ्वीराजले रिलिज भएको आठ दिनमै बक्स अफिसमा पछारिएको छ । ३०० करोडको ठूलो बजेटमा बनेको यो फिल्मले अहिलेसम्म बक्स अफिसमा ५५ करोड कलेक्सन गरिसकेको छ । यसको आठौं दिनको कमाई पनि सार्वजनिक भएको छ । सम्राट पृथ्वीराजको दोस्रो शुक्रबार बक्स अफिसमा ठूलो गिरावट आएको बताइएको छ ।
सम्राट पृथ्वीराज यसअघि नै प्रकोप ‘डिजास्टर’ भइसकेको छ । जुन ३ मा रिलिज भएको चलचित्रले दोस्रो शुक्रबार अर्थात जुन १० मा कमाईको हिसाबले करिब ८१ प्रतिशतले गिरावट आएको छ । बलिउड हंगामाका अनुसार सम्राट पृथ्वीराजले आफ्नो आठौं दिनमा १.८५ देखि २ करोड रुपैयाँसम्म कमाई गरेको छ । योसँगै फिल्मको कलेक्सन ५७ करोड मात्रै हुन सकेको छ । शुक्रबार हलमा हिन्दी फिल्मको दर्शक ११ दशमलव ७२ प्रतिशत रहेको छ ।
भारतका वीर योद्धा सम्राट पृथ्वीराज चौहानको जीवनीमा आधारित चलचित्र सम्राट पृथ्वीराजले सुरुदेखि नै सुस्त कमाई गरिरहेको छ । फिल्मले पहिलो दिन १० करोड ७० लाख कमाएको थियो । योसँगै फिल्मको पहिलो साताको कलेक्शन पनि राम्रो भएन । आठ दिनमा आइतबार जुन ५ मा मात्रै फिल्मको कमाईमा उछाल आएको छ । यस दिन सम्राट पृथ्वीराजले १६ करोड संकलन गरेको थियो । त्यसयता फिल्मका लागि पैसा कमाउनु ठूलो चुनौती बनेको छ ।
