मोरङको विराटनगर विमानस्थलमा आज सञ्चारकर्मीहरुसँग कुरा गर्दै उनले मुलुकमा एमाले मात्र वामपन्थी पार्टी रहेको जिकिर गर्दै अन्य पार्टीहरू वामपन्थी नभएको आरोप लगाए। उनले माधव नेपाल नेतृत्वको नेकपा (एकीकृत समाजवादी) का कार्यकर्तालाई एमालेमा आए समाहित गरिने बताए।
अध्यक्ष ओलीले आफूले अन्य पार्टीका नेतालाई प्रधानमन्त्री बनाउने सम्बन्धमा कुनै आश्वासन नदिएको प्रष्टीकरण दिए। एमाले संघीयता र लोकतन्त्रको रक्षा गर्न प्रतिबद्ध रहनाका साथै संविधान निर्माणमा महत्त्वपूर्ण भूमिका निर्वाह गरेका कारण जनताले संसदीय निर्वाचनमा पहिलो पार्टी बनाउने धारणा दाबी गरे।
उनले स्थानीय तह निर्वाचनले सबै निर्वाचनको स्थिति तय नगर्ने भन्दै सिट सङ्ख्याका हिसाबले केही कम आएर दोस्रो भए पनि लोकप्रिय मतका हिसाबले एमाले पहिलो भएको जिकिर गरे।
