बन्चरेडाँडा र सिसडोलमा गरेका वाचा पूरा गर्न अर्बौँ रुपैयाँ चाहिने : गगन थापा

नेपाली कांग्रेसका नेता गगन थापाले बन्चरेडाँडा र सिसडोलमा गरेका वाचा पूरा गर्न अर्बौँ रुपैयाँ चाहिने बताएका छन् । आजको प्रतिनिधिसभाको बैठकमा उनले यसपटक काठमाडौंमा फ्लाईओभर र अन्डपास नबनाएर त्यहाँ छुट्याइएको रकम फोहोर व्यवस्थापनमा खर्च गर्न पनि सुझाए ।

“भौतिक विकास मन्त्रालयको यस वर्षको बजेटमा काठमाडौंमा फ्लाईओभर बनाउने नीति लिएको छ । अन्डरपास बनाउने भनिएको छ । फोहोरको हल गर्नका लागि सहरी विकास मन्त्रालयको पैसाले पुग्दैन,” उनले भने, “बन्चरेडाँडा र सिसडोलमा गरेका वाचाहरू पूरा गर्न अर्बौँ रुपैँया चाहिन्छ । काठमाडौंमा योपटक फ्लाईओभर नबनाए पनि हुन्छ । अन्डरपास नबनाए पनि हुन्छ ।”

बन्चरे डाँडो र सिसडोलमा फोहोर व्यस्थापनका लागि बजेटबाट केही अर्ब छुट्याउन पनि सुझाव दिए । उनले फोहोरका विषयमा भइरहेको समस्याबारे सहरी विकासमन्त्रीको जवाफ पनि माग गरे ।