पोखरा । सशस्त्र प्रहरी बल, नेपाल नं. २४ गण हेडक्वाटर कालिका गण र गण्डकी मेडिकल कलेज जिएमसीबिच स्वास्थ्य सुविधामा छुट दिने सम्बन्धी संझौता भएको छ ।
सशस्त्र प्रहरी बल, नेपाल नं. २४ गण हेडक्वाटर कालिका कास्कीका गणपति सशस्त्र प्रहरी उपरीक्षक अरूणकुमार शर्मा र गण्डकी मेडिकल कलेज जिएमसी नयाँबजार पोखराका प्रिन्सिपल प्रा.डा. रवीन्द्रप्रसाद श्रेष्ठबिच बुधबार संझौता भएको हो ।
गण्डकी प्रदेशमा कार्यरत सम्पूर्ण सशस्त्र प्रहरी तथा परिवारजन, गण्डकी प्रदेशभित्र बसोबास गर्ने अवकास प्राप्त सशस्त्र प्रहरी तथा परिवारजन र अमर सशस्त्र प्रहरीका आश्रित परिवारजनहरूमा छुट उपलब्ध गराउने सम्बन्धी संझौता भएको हो । छुट १५% देखि १००% उपलब्ध गराउने संझौता रहेको छ ।
हस्ताक्षर गरेको मिति २०८० चैत ७ गतेदेखि नै स्वास्थ्य सेवामा गण्डकी मेडिकल कलेजले संझौता अनुसार छुट दिने जनाइएको छ ।
