काठ्माण्डौं । साफ च्याम्पियनशिपको समूह चरणको “ड्र” सार्वजनिक भएको छ । दक्षिण एसियाली फुटबल महासंघले आयोजना गर्ने यस च्याम्पियनशिपको “ड्र” बुधबार सार्वजनिक भएको हो । सार्वजनिक भएको सो “ड्र” मा नेपाल र भारत एउटै समूहमा परेका छन् ।
नेपाल प्रतियोगिताको साविक उपविजेता हो भने भारत साविक विजेता हो ।
समूह “ ए ” मा नेपाल र भारतसँगै कुवेत र पाकिस्तान रहेका छन् ।
समूह “ बी ” मा लेबनान, माल्दिभ्स, भुटान र बङ्गलादेश छन् । यस साफ च्याम्पियनशिप आउँदो अषाढ ६ देखि १८ गतेसम्म भारतमा हुँदैछ ।
त्यस्तै फुटबलको सर्वोच्च निकाय फिफाको प्रतिबन्धका कारण यो संस्करणमा श्रीलङ्का सहभागी हुने छैन भने कुवेत र लेबनानले आमन्त्रित टोलीको रुपमा मात्र खेल्ने भएको छ ।
