नेपाली महिला फुटबल टोलीको फिफा वरीयतामा ३ स्थान सुधार

काठ्माण्डौं । विश्व फुटबलको सर्वोच्च निकाय (फिफा) वरीयतामा नेपाली महिला फुटबल टोलीको ३ स्थान सुधार भएको छ ।
फिफाले शुक्रबार सार्वजनिक गरेको वरीयतामा नेपालले ३ स्थान सुधार गरेको हो ।

यसअघि १०३ औँ स्थानमा रहेको नेपाल यसपटक भने १ हजार २ सय ५ अंकका साथ १०० औं स्थानमा उक्लिएको छ ।
यता, एसियाली राष्ट्रको वरीयतामा भने नेपाल २० औँ स्थानमा रहेको छ ।

त्यस्तै शुक्रबार सार्वजनिक भएको वरीयताका शिर्ष स्थानमा अमेरिका छ भने दोस्रो स्थानमा जर्मनी रहेको छ ।
यस्तै तेस्रोमा स्विडेन, चौँथोमा इङ्ल्याण्ड, प्रान्स पाँचौं, क्यानडा छैटौँ र सातौं स्थानमा स्पेन आउन सफल भएको छ ।