पोखरा । २७ औं जनयुद्ध दिवसको अवसर पारी दोश्रो कालीमाटी कप सेभेन ए साइड फुटवल प्रतियोगिताको तयारी पुरा भएको छ ।
कालीमाटी युवा क्लब पुतलिबजार नगरपालिका ३ कालीमाटी स्याङजाको आयोजनामा फागुन १ देखी ८ गते सम्म स्याङजाको मालेबगर खेल मैदानमा आयोजना हुने उक्त प्रतियोगिताको सम्पूर्ण तयारी पुरा भएको आयोजक कालीमाटी युवा क्लबका अध्यक्ष शक्ति थापा मगरले जनाउनुभएको छ ।
राष्ट्रिय खेलकुद परिषद नेपालको मुख्य प्रायोजक, अखिल नेपाल खेलकुद महासंघ पुतलिबजार नगर कमिटिको सह आयोजनामा हुने उक्त प्रतियोगितामा प्रथम हुनेले १ लाख ११ हजार १ सय ११ ट्रफी मेडल र प्रमाणपत्र प्राप्त गर्नेछन भने दोश्रो हुनेले ५५ हजार ५ सय ५५ रुपैया प्राप्त गर्नेछन । त्यसैगरी प्रतियोगितामा २८ टिमको सहभागीता रहने आयोजकले जनाएको छ । प्रतियोगिताका फागुन १ गते सोमबार प्रतिनिधी सभा सदस्य राजु थापाले उद्घाटन गर्नुहुनेछ ।
