काठमाण्डौं ।
नेकपा माओवादी केन्द्रकी उर्मिला अर्याल राष्ट्रिय सभाको उपाध्यक्षमा निर्विरोध निर्वाचित हुनु भएको छ । सो पदमा उहाँको मात्रै उम्मेदवारी परेको भन्दै आजको राष्ट्रिय सभाको बैठकमा राष्ट्रिय सभाका अध्यक्ष गणेश प्रसाद तिमिल्सिनाले अर्याल निर्विरोध निर्वाचित भएको घोषणा गर्नुभएको हो ।
आइतबार मनोनयन दर्ताको दिन सत्ता साझेदार दलहरुको तर्फबाट अर्यालको मात्र उम्मेदवारी परेपछि उहाँ आज निर्विरोध निर्वाचित हुनु भएको हो ।
यस अघि उपाध्यक्ष शशीकला दाहालको ४ वर्षे कार्यकल २०७८ मा नै सकिएको थियो ।
अर्याल २०७८ माघमा मधेश प्रदेशबाट राष्ट्रिय सभा सदस्य निर्वाचित हुनु भएको थियो । उहाँले २०६९ मा नेकपा एमाले छोडेर माओवादी केन्द्रमा प्रवेश गर्नुभएको थियो ।
