काठमाण्डौं । राष्ट्रियसभा उपाध्यक्षका लागि मनोनयन दर्ता हुने भएको छ । आज आइतबार दिउँसो १ देखि ४ बजेसम्म संसद भवन नयाँ बानेश्वरमा मनोनयन दर्ता हुने भएको हो ।
मनोनयन दर्ता सकिने बित्तिकै सवा ४ बजे उम्मेदवारको सूची प्रकाशन गर्ने र २३ गते निर्वाचन हुने संघीय संसदका सहायक प्रवक्ता दशरथ धमलाले जानकारी दिनुभएको छ ।
यसअघि राष्ट्रियसभा उपाध्यक्ष रहेकी शशीकला दाहालको कार्यकाल सकिएसँगै उपाध्यक्ष पद खाली रहेको थियो । राष्ट्रियसभाका सदस्यहरुको कार्यकालका लागि २०७५ अषाढ ४ गते भएको गोलाप्रथामा उपाध्यक्ष दाहाललाई ४ वर्षे कार्यकालको चिठ्ठा परेको थियो ।
