पोखरा, १९ कात्तिक ।
कास्की–२ मा गठबन्धनका तर्फबाट प्रदेशसभा २ (क) का उम्मेदवार विश्वप्रकाश लामिछानेले पोखराको ग्रामीण क्षेत्रको विकास गर्न पहल गर्ने बताएका छन् ।
पोखरा ३३ भरतपोखरी, मालागिरीमा पाँच दलीय गठबन्धनले आयोजना गरेको चुनावी अभियानमा लामिछानेले भरतपोखरी क्षेत्र महानगर बनेपनि महानगरबासीले प्राप्त गर्ने सेवाबाट बञ्चित भएकाले आफू निर्वाचित भएमा समान विकासमा जोड दिने बताए । आफ्नो योजना ५ दलको साझा कार्यक्रम भएकाले गठबन्धनले जित्नुपर्ने उनको भनाई थियो ।
जनतासँग मत माग्दै विजय भएपनि नभए पनि ५ वर्ष जनताको साथी र अभिभावक भएर साना र ठुला समस्या समान गर्न पहल गर्ने उनले बताए । अघिल्ला निर्वाचितहरुले शिक्षा, स्वास्थ्य लगायतका बिकासको क्षेत्रमा भनेजति ध्यान नदिएको उनले जनाए । आफूहरु पर्यटकीय केन्द्रको रुपमा बनाउन लागि परेकाले जिताउन आग्रह गरे ।
पार्टी भन्दा पनि प्रालि जस्तो भएर मुलुकको संविधान धरापमा परेको कारण गठबन्धनको परिकल्पना गरिएको उनको भनाई थियो । मुलकको बिकासको लागि गठबन्धनले जित्न आवस्यक रहेको उनले बताए ।
कार्यक्रममा नेपाली काँग्रेसका केन्द्रीय सदस्य गुरु बराल चुनाव हारजित भन्दा मतदाताको मन जित्नु ठुलो कुरा भएको बताए । पछिल्ला समय गठबन्धनका उम्मेदवारले जित्ने वातावरण भएकाले जनप्रतिनिधि भएपछि जनताको सुख दुखमा साथमा हुनुपर्ने धारणा राखे । गठबन्धनका उम्मेदवार हारे संबिधान नै जोखिममा पर्न सक्ने उनको तर्क थियो ।
क्षेत्र नम्बर २ (क) का प्रचार प्रसार संयोजक दिनेश आचार्य जनताको समस्या भए गठबन्धनले सहकार्य गर्ने बताए । जनताले चाहेको शिक्षा स्वास्थ्यमा निशुल्क, व्यापार व्यवसाय गर्न । स्वास्थ्य बिमा लगायतका कार्यक्रम राम्रोसँग चलाउनुपर्ने उनको धारणा थियो ।