आज २८ औँ विश्व आदिवासी दिवस मनाइँदै

आज २८ औँ विश्व आदिवासी दिवस। अगस्ट ९ मा यो दिवस मनाइँदै आइएको छ।

दिवसको अवसरमा आज र्‍याली निकालिएको छ। र्‍याली भृकुटीमण्डपदेखि कमलादी प्रज्ञा भवनसम्म निकालिएको हो।

नेपाल आदिवासी जनजाति महासंघ, नेपाल शेर्पा संघ, नेपाल लोकतान्त्रिक आदिवासी जनजाति महासंघलगायतले र्‍याली निकालेका हुन् । संयुक्त राष्ट्रसंघको सन् १९९४ डिसेम्बर २३ मा बसेको महासभाले पहिलो पटक ‘९ अगस्ट’लाई ‘विश्व आदिवासी दिवस’ का रूपमा मनाउने निर्णय गरेको थियो । नेपालका आदिवासी जनजातिले १९९५ देखि यो दिवस मनाउँदै आएका छन्।