नेपाली शिक्षा परिषद्ले इम्बोस्ड नम्बरप्लेटमा देवनागरी लिपिको प्रयोग गर्न माग गरेको छ ।
बुधबार परिषद्ले एक विज्ञप्ति जारी गर्दै सवारीसाधनमा जडान हुने इम्बोस्ड नम्बरप्लेटमा नेपाली भाषा हुनुपर्ने माग गरेको हो ।
अंग्रेजी भाषा आम सर्वसाधारणले नबुझ्ने र नेपालीको स्वाभिमानमाथि आघात पुग्ने परिषद्को भनाइ छ ।
नेपालको संविधान २०७२ मा देवनागरी लिपिमा लेखिने नेपाली भाषा सरकारी कामकाजको भाषा हुने व्यवस्था रहे पनि त्यसको मर्मविपरित काम गरिएको परिषद्ले जनाएको छ ।