एजेन्सी । बलिउडका सुपरस्टार सलमान खानले आफ्नो ‘युनिटी १’ नामक पेन्टिङको मूल्य तीन लाख डलर अर्थात लगभग चार करोड रुपैयाँमा बेचिरहेका छन् ।
सलमान खानले आफ्नो ‘युनिटी १’ नामक पेन्टिङलाई आर्टफाई नामक इन्स्टाग्राम पेजको सहयोगबाट बेचिरहेका छन् ।
‘यूनिटी १’ पेन्टिङलाई सलमान खानले सन् २०२२ मा बनाएका थिए । यसमा दुई धर्मका व्यक्तिलाई एकसाथ देख्न सकिन्छ । दुवैले फरक तरिकाले सलाम गरिरहेका छन् ।
पेन्टिङमा एउटा व्यक्तिको निधारमा रातो टिका छ भने दोस्रोले टोपी लगाएको छ ।
यो एकदमै सीमित संस्करण पेन्टिङ हो, जो दश हजार प्रति बेचिनेछ । सलमान खान स्वयंले यसबारेमा बताएका थिए । अभिनेताले भनेका थिए कि अब उनले बनाएको पेन्टिङलाई सबैले खरिद गर्न सक्नेछन् ।
यसले धेरै प्रशंसक खुशी पनि भएका छन ।
