काठमाडौं । चौधरी ग्रुप अन्तर्गतको सीजी फुड्सले आफ्नो उत्पादन वाइवाइ चाउचाउको व्यवसायिक दूतमा बलिउड अभिनेता आयुष्मान खुरानालाई नियुक्त गरेको छ ।
अभिनेता खुरानाले ब्राण्ड एम्बेसडर नियुक्त भएपछि नेपाली उत्पादनसँग व्यवसायिक सहकार्य गर्न पाउँदा खुशि लागेको बताउनुभयो ।
सिजी कर्प ग्लोबल इन्डियाका प्रबन्ध निर्देशक वरुण चौधरीले पनि बलिउड स्टार खुरानासँग सहकार्य गर्न पाउँदा खुशि लागेको जारी विज्ञप्तिमा उल्लेख छ ।
चौधरीले छोटो समयमा खुरानासँग सहकार्य गर्ने निर्णय भएपनि खुरानासँगको सहकार्यले ब्राण्डलाई अझै उचाइमा लैजान मद्दत पुग्ने विश्वास व्यक्त गर्नुभयो ।
आयुष्मान पछिल्लो समय बलिउड फिल्म ‘ड्रिमगर्ल २’लाई लिएर चर्चामा हुनुहुन्छ ।
