राष्ट्रिय प्रजातन्त्र पार्टी (राप्रपा)ले पोखरा महानगरपालिकामा मेयर र उपमेयरको उम्मेदवारको टुङ्गो लगाएको छ ।
पोखराको मेयरको उम्मेदवार शङ्कर खराल र उपमेयरमा रञ्जना सेन पौडेललाई उम्मेदवार बनाउने निर्णय गरेको हो ।
खराल विश्व हिन्दु महासङ्घका उपाध्यक्ष र गण्डकी प्रदेशका अध्यक्ष हुन् । खराल गएको फागुन ७ गते मात्रै राप्रपा प्रवेश गरेका थिए ।
२०७४ सालको निर्वाचनमा पोखरा महानगरपालिकामा राप्रपाबाट मेयरमा गीता गुरुङ उम्मेदवार थिइन् । उनले २ हजार २ सय ७२ मत ल्याएकी थिइन् ।
यस्तै, राप्रपाले काठमाडौँ र ललितपुर महानगरपालिका प्रमुखका उम्मेदवार टुङ्गो लगाएको छ ।
काठमाडौँ महानगर प्रमुखको उम्मेदवारमा वरिष्ठ कलाकर्मी मदनदास श्रेष्ठलाई र ललितपुर महानगरपालिका प्रमुखमा अष्ट महर्जनलाई मेयर उम्मेदवार बनाउने निर्णय गरेको छ ।