बाढीले सडक बगायो, यातायात बन्द

बुधबार राति आएको बाढीले सडक कटान गर्दा रामेछापको लिखु तामाकोशी गाउँपालिकाको धोबिसिरिसे हुँदै ओखलढुंगातर्फ जाने सडक अवरुद्ध भएको छ ।

सैपुको खाल्टेखोलामा बाढीले सडक काटेकोले यातायातका साधन रोकिएका छन् ।

सैपुका वडाअध्यक्ष बसन्तोष पौडेलका अनुसार ओखलढुंगातर्फ जाने–आउने यातायातका साधनले सैपु दिलौरी र सिरीसे रातामाटा हुँदै गोठगाउँतर्फको वैकल्पिक सडक प्रयोग गर्न सक्नेछन् । खोलामा बाढी घटेपछि मर्मत गरी सडक सञ्चालनमा ल्याइने पौडेलले बताए ।