सहकारीले बजार नियन्त्रण गर्न सक्नुपर्छः मन्त्री बराल

पोखरा । गण्डकी प्रदेश सरकारका अर्थ मन्त्री रामजी प्रसाद बराल जीवनले सहकारीले बजार नियन्त्रण गर्न सक्नुपर्ने बताउनु भएको छ । पोखरा २३ स्थित औसेलुचौरमा रहेको पञ्चकोषी कृषि सहकारी संस्थाको विहिबार सम्पन्न भएको आठौं बार्षिक साधारण सभाको उद्घाटन गर्दै मन्त्री बरालले सहकारीले बजारलाई सन्तुलन कायम गर्दै नियन्त्रण गर्न सक्नुपर्ने बताउनु भएको हो ।
मन मिल्नेहरुको सहकार्य गर्ने उद्धेश्यले स्थापन भएका सहकारीहरुले जनताको आवश्यकता हुने बस्तु तथा सेवा उत्पादन गर्न सके बजारमा हुने मुल्यश्रृखलालाई सहकारीले नियन्त्रण गर्न सक्ने मन्त्री बरालको भनाई थियो । स्थानियको जागरण कृयाशिलताले आफु निकै प्रभावित भएको बताउदै मन्त्री बरालले स्थानियको आवश्यकताको आधारमा केही न केही सहयोग गर्ने वचन दिनु भएको छ । अझै पनि नेपालमा स्थापना भएका अधिकांश सहकारीेले आफ्नो लक्ष्य र उद्धेश्य अनुरुप काम गर्न नसकेको समेत उहाँले दाबी गर्नु भयो ।
पन्चकोषी आमा समुहका सदस्य साधना चापागाईले सामुदायिक भवन आवश्यक भएको बताउनु भयो । संस्थाका अध्यक्ष देवीरमण चापागाईको अध्यक्षतामा सम्पन्न भएको कार्यक्रममा झाँकी देउराली पूजा समितिका अध्यक्ष टेकनाथ पराजुली, पोखरा २३ का वडा सदस्य भरतराज भण्डारी, पूर्व गाविसका अध्यक्ष भेषराज पराजुली, माओबादी केन्द्र पोखरा २३ का वडा कमिटि अध्यक्ष घनश्याम पराजुली, भविश्य निर्माण सहकारीका व्यबस्थापक उपेन्द्रराज पराजुली, दलित प्रतिनिधि तारा बहादुर बि.क., संस्थाका लेखा समिति संयोजक बिष्णु प्रसाद बराल, संस्थाका सचिव मोतीलाल पराजुली लगायतले वोल्नु भएको थियो ।
२०७० सालमा ५८ जना शेयर सदस्यबाट सुरु भएको उक्त सहकारीमा हाल ५९ जना महिला सहित १ सय ४७ जना शेयर सदस्य रहेका छन्। संस्थाको गत असार मसान्तरसम्म शेयर पूंजी १४ लाख ७० हजार रहेको छ । ६ लाख ५५ हजार १ सय ४५ रुपैया संस्थामा निक्षेप संकलन भएको छ भने संस्थाले २७ लाख ७४ हजार ऋण लगानी गरेको छ । संस्थाले गत बर्ष ३ लाख ८९ हजार रुपैया आम्दानी गर्न सफल भएको छ ।

Facebook Comments Box

नगेन न्यूज पब्लिकेशन प्रा. लि. द्वारा संचालित यो अनलाईन डिजिटल पत्रिका हो । बि.सं. २०७२ साउन ११ गते देखि औपचारीक संचालित यो अनलाइनले मूलत शान्ति, पर्यटक, कला प्रबन्धन र समसामयीक समाचार प्रकाशन गर्दै आईरहेको छ । नगेन न्यूजको अनलाईन टिभी पनि संचालित छ ।  फेसवुक, ट्विटर, भाइवर, इन्स्टाग्राम टिकटकमा पनि हामी संग जोडिन सक्नु हुनेछ । जय कला क्रान्ति !!!