पुम्दी भुम्दीको नियालेडाँडालाई पनि अब पर्यटकीय गन्तव्य बनाउनु पर्छः मन्त्री बराल

पोखरा । गण्डकी प्रदेशका अर्थमन्त्री रामजीप्रसाद बराल जीवनले पोखरा २२ को पुम्दी—भुम्दी स्थित नियालेडाँडालाई पनि पर्यटकीय गन्तव्यको रुपमा विकास गर्नुपर्ने बताउनु भएको छ ।
कालाबाङ घरेडी पोखरा तमु समाजको आमा समूहले हालै निर्माण गरेको सभाहलको शनिबार एक समारोहका बिच उद्घाटन गर्दै मन्त्री बरालले पुम्दी भुम्दीको बृहत विकासको लागि अब नियालेडाँडालाई पर्यटकीय गन्तव्यको रुपमा विकास गर्नुपर्ने बताउनु भएको हो ।

उहाँले पोखरा २२ को पुम्दी भुम्दीमा विश्व शान्ति स्तुपाः, हालै निर्माण भएको बिशाल महादेवको मुर्ति पर्यटीय गन्तव्यको रुपमा स्थापित भएकाछन, अब कालाबाङ घरेडीलाई पनि पर्यटीय गन्तव्यको रुपमा विकास गर्दै थाप्लेडाँडा (उल्लेरी—ढाँवा) सम्मको लागि बृहत योजनाका साथ विकास गर्नु पर्ने बताउनु भयो । पुम्दी भुम्दीको विकासको लागि छोरेपाटन देखि शान्तिस्तुपा, लुकुन्स्वाँरा, कालाभाङ, काभ्रे, उल्लेखरी ढाँवा हुदै कुभिण्डेसम्मको सडक स्तरोन्नतीको लागि पिच सडक आवश्यक भएको मन्त्रीे बरालले बताउदैं उक्त सडकको लागि ५५ करोडको डिपिआर समेत भएको जनाउनुभयो ।

अर्थमन्त्री बरालले जनताको चाहनामा तुषारापात हुन नदिने प्रतिबद्धता व्यक्त गर्दैं राजनीतिक जटिलता र कोरोना महामारीकाबीच विषम परिस्थितिमा आफू मन्त्री बनेकोले सके राम्रो गर्छु, नसके तपाईंहरुले भनेजस्तै नराम्रो त कुनैपनि हालतमा नगर्ने प्रतिबद्वता व्यक्त गर्नुभयो । कुनै पनि जाति तथा समुदायको कला संस्कृति र भाषा देशको पुंजि भएकोले त्यसको संरक्षण गर्नु सवैको दाहित्व भएको मन्त्री बरालले जनाउनुभयो ।
कार्यक्रममा सहभागि वक्ताहरुले अर्थमन्त्री बराललाई उदाहरणीय कार्य गरेर देखाउन सुझाव दिएका छन् । कालाबाङ घरेडी पोखरा तमु समाजका सल्लाहकार गौप्रसाद गुरुङले गण्डकी प्रदेशलाई नमूना प्रदेश बनाउनेगरी काम गर्न आग्रह गर्दै हिजो जनयुद्ध गर्दा ज्यानको बाजी थापेर हिंड्नुभयो, अबपनि सके राम्रो गर्नुस्, नत्र नसकेपनि नराम्रो नगर्नुस्, भोलि हामीले पनि नेता होस् त रामजी बरालजस्तो भन्न पाइओस भन्ने आग्रह गर्नु भयो ।

समाजका अध्यक्ष दुर्गाबहादुर गुरुङले कालाबाङ घरेडीबासी हिजोजस्तो कार्यकर्ता भएर जुनमा भन्छन् त्यसैमा भोट हाल्न तयार नभएको बताउनु भयो । उहाँले अब हामी पार्टी हेरेर भोट हाल्दैनौं, हाम्रोलाई होइन राम्रोलाई भोट हाल्ने बताउनु भयो ।
यसअघी २÷२ पटक मन्त्री पाएरपनि कालाबाङसहित पुम्दीभुम्दीमा विकासका कुनैपनि काम नभएको इतिहास खोतल्दै उहाँले हिजो हामीले सरकार भएको अनुभूति गर्न पाएनौं, यसपटक आशा गरेको बताउनु भयो ।
आमा समूहकी अध्यक्ष मीनु गुरुङले अर्थमन्त्री बरालबाट पुम्दीभुम्दी मात्र नभई समग्र गण्डकी प्रदेशले आशा गरेको बताउनु भयो ।
आमा समूहकी उपाध्यक्ष शर्मिला गुरुङले प्रदेशको विकास गरेर रामजी बरालसँगै समग्र पुम्दीभुम्दीकै नाम रारखन आग्रह गर्नुभयो ।

यसैबिच मन्त्री बरालको जन्म दिनको अवसरमा शनिबार नै समाज र आमा समुहले मन्त्री बराल सहित उनकी धर्मपत्नी बुद्धिमाया बराललाई सम्मान तथा बधाई ज्ञापन समेत गरेका छन् । साथै उहाँको जन्मउत्सवको अवसरमा समाजले केक समेत काटेर शुभकामना व्यक्त गरेको सहसचिव उषा गुरुङले बताउनु भयो । १ सय १९ घर परिवार समाजमा आबद्ध रहेका छन भने समाजले करिब १० लाखको लागतमा उक्त सभाहल निर्माण गरेको हो । साथै उक्त अवसरमा संचारकर्मी युग गुरुङलाई समेत सम्मान गरिएको थियो ।

Facebook Comments Box

नगेन न्यूज पब्लिकेशन प्रा. लि. द्वारा संचालित यो अनलाईन डिजिटल पत्रिका हो । बि.सं. २०७२ साउन ११ गते देखि औपचारीक संचालित यो अनलाइनले मूलत शान्ति, पर्यटक, कला प्रबन्धन र समसामयीक समाचार प्रकाशन गर्दै आईरहेको छ । नगेन न्यूजको अनलाईन टिभी पनि संचालित छ ।  फेसवुक, ट्विटर, भाइवर, इन्स्टाग्राम टिकटकमा पनि हामी संग जोडिन सक्नु हुनेछ । जय कला क्रान्ति !!!