फुटबल खेलाडी सुमनको सुर

पोखरा । गण्डकी प्रदेशको नवलपुर जिल्ला दुम्कीवासका सुमन अर्याल सानैदेखि फुटबलप्रेमी हुनुहुन्थ्यो । उहाँको सहभागिता यु–१६ साफ च्याम्पियनसीपबाट भयो । ५ वर्षअघि भएको सो प्रतियोगितामा क्वार्टरफाइनलसम्म नेपाल पुग्न सकेको थियो ।
गत वर्ष १३ औं दक्षिण एशियाली खेलकुद (साग) मा यु–२३ मा उहाँ सहभागी टिमले नेपाललाई स्वर्ण दिलाएको थियो । त्यसबेला नेपालले भुटानलाई फाइनलमा २–१ गोलअन्तरले हराउन सफल भएको हो ।
हाल जारी वल्र्ड कप क्वालीफाई राउण्ड खेल्दै हुनुहुन्छ । तर अहिले भने केही समयदेखि कोभिड–१९ का कारण रोकिन पुगेको छ । यु–१८ साफ च्यापियनसीप, भुटानमा सहभागी नेपालले स्वर्ण जित्दा उहाँको पनि योगदान छ । नेपालले त्यसबेला भारतलाई फाइनलमा हराउँदै उपाधि जितेको थियो ।
उहाँले एन्फामै तालिम लिएका हुन् । ४ वर्षदेखि उहाँ नेपाल आर्मीमा आबद्ध हुनुहुन्छ् । आर्मी टिमबाट आहारारा गोल्डकप खेल्न यी डिफेन्डर पोखरा रंगशाला समेत आउनु भएको थियो । त्यसबेला आर्मीले फाइनल यात्रा तय गरेको उहाँको स्मरण छ ।
बावु थानेश्वर अर्याल र आमा नारायणी अर्यालका सुपुत्र सुमनको एक जना दिदी हुन
हुन्छ ।
नेपाल खेलकुद पत्रकार मञ्च गण्डकीले आयोजना गरेको पाँचौ पोखरा स्पार्टस् अवार्ड–२०७६÷७७ को वर्ष उत्कृष्ट खेलाडी (पुरुष) विधाको मनोनयनमा परेपछि सुमनले निकै खुसी लागेको प्रतिक्रिया दिनु भयो ।


खेल क्षेत्रमा समर्पित खेलाडीहरुको प्रतिभा प्रोत्साहन गर्दै मञ्चले हरेक वर्ष पोखरा स्पोर्टस् अवार्ड आयोजना गर्दै आएको छ । गण्डकी प्रदेशस्तरको सो अवार्डमा यसपालि विभिन्न ७ विधामा अवार्ड वितरण गरिने मञ्च अध्यक्ष एकराज गिरीले जानकारी दिनुभयो ।
वर्ष उत्कृष्ट खेलाडी पुरुष विधामा सुमन सहित टेबल टेनिसका विनेश खनियाँ र करातेका नवीन रसाइली पनि मनोनयनमा छन् । वैशाख २० मा हुने अवार्ड समारोहमा वर्ष उत्कृष्ट खेलाडी पुरुषलाई २ लाख सहित अवार्ड प्रदान गरिनेछ ।

Facebook Comments Box