आँबुखैरेनीमा फोनिज गण्डकीको ‘डिजिटल जर्नालिजम’ बारे अन्तरक्रिया


आँबुखैरेनी । नेपाल आदिवासी जनजाति पत्रकार महासंघ (फोनिज) गण्डकी प्रदेश समितिको आयोजनामा तनहुँको आँबुखैरेनीमा ‘सञ्चार प्रविधिको विकास र अबको पत्रकारिता’ विषयक अन्तरक्रिया कार्यक्रम सम्पन्न भएको छ ।
तनहुँको आँबुखैरेनी गाउँपालिका र आन्तरिक मामिला तथा कानून मन्त्रालय गण्डकी प्रदेशको सहयोगमा सुचना, प्रविधिको विकास र अबको पत्रकारिता विषयक गण्डकी प्रदेश स्तरिय अन्तरक्रिया बुधबार एक कार्यक्रममा बिच सम्पन्न गरेकोे हो ।
गण्डकी प्रदेशका आन्तरिक मामिला तथा कानूनमन्त्री हरि बहादुर चुमानले प्रदेश सरकारले होमस्टेको प्रवद्र्धनलाई प्राथमिकतामा राखेर आफ्ना कार्यक्रमहरु अगाडी सारेको बताउदै सोही अनुरुप फोनिजलाई पनि अन्तरक्रियाको लागि सहयोग गरेको जानकारी दिनु भयो ।
उहाँले पछिल्लो समय सुचना तथा प्रविधिको युग भएकाले सोही अनुरुप सबै क्षेत्र र मिडियाकर्मीहरु पनि अपडेट हुनुपर्ने धारणा राख्नु भयो । मन्त्री चुमानले पत्रकार आफै जिम्मेवार बन्नुपर्ने उल्लेख गर्दै प्रदेश आमसंचार ऐन बनाउने बताउनु भयो । उहाँले उक्त ऐनमार्फत पीत पत्रकारितालाई नियमन गर्ने बताउदै पत्रकार स्वयम आफै पनि जिम्मेवार र सचेत हुनुपर्ने बताउनु भयो ।
मन्त्री चुमानले गण्डकी प्रदेशका ११ जिल्लाबाट १०÷१० वटा स्थानलाई पर्यटकिय गन्तव्यको रुपमा छनौट गरिएको बताउदै तनहुँबाट छिम्केसरी र आँधीमुल सुचिकृत भएको जानकारी दिनु भयो । उहाँले आँधीमुलको प्रवद्र्धनमा पहिल्यै देखि प्रदेश सरकारले पहल गर्दै आएको बताउदै स्थापित गर्न मिडियाको भुमिका रहने भएकाले सहयोग गर्न आग्रह गर्नु भयो ।
मन्त्री चुमानले फरक प्रसंगमा बोल्दै सर्वाेच्च अदालतले संविधानको मर्म बुझ्दै जनताको पक्षमा फैसला गरेकाले देश अध्यारो सुरुङमा पस्नबाट बचेको बताउनु भयो । उहाँले संसद विघटनको विषय र प्रतिगनमलाई प्रशय दिएर ओलीले देशलाई अध्यारो सुरुङ तर्फ धकल्न लागेको समेत टिप्पणी गर्नु भएको थियो ।
त्यस्तै तनहुँका प्रमुख जिल्ला अधिकारी सागर आचार्यले अन्तरक्रियाबाट मिडियाकर्मीहरुले बढि मात्रामा ज्ञानगुणका कुरा ग्रहण गरेर आगामी दिनमा सोही अनुरुप कलम चलाउनेमा विश्वास व्यक्त गर्नु भयो ।
आँबुखैरेनी गाउँपालिकाका प्रमुख गिर बहादुर थापाले आफ्नो क्षेत्रमा रचनात्मक कार्यक्रमको आयोजना गरेको बताउदै पर्यटकिय गतिविधि मौलाउनेमा विश्वास व्यक्त गर्नु भयो । प्रमुख थापाले पत्रकार देशको चौथो अंग भएकाले तथ्य सहित खरो रुपमा प्रस्तुत हुनुपर्ने बताउनु भयो । मिडियाहाउसले आफ्नो ब्राण्ड बनाउनु पछाडी सहि तथ्याङ्क र सहि सुचनाको भुमिका महत्वपर्ण रहने बताउदै विशेष ध्यान दिनपर्ने समेत बताउनु भयो ।
त्यस्तै उपप्रमुख पुष्पा देवी श्रेष्ठले आँबुखैरेनी गाउँपालिका भित्रका पर्यटकिय गन्तव्य पहिचान हुन नसकेको बताउदै पहिचान भएका पर्यटकिय गन्तव्यको प्रवद्र्धनमा मिडियाले सहयोग गर्न आग्रह गर्नु भयो ।
नेपाल आदिवासी जनजाति पत्रकार महासंघ (फोनिज) गण्डकी प्रदेश ईन्चार्ज हुम बहादुर गुरुङले अन्य क्षेत्रमा जस्तै पत्रकारितामा समेत जातिय विभेद रहेको टिप्पणी गर्नु भएको थियो ।
‘सञ्चार प्रविधिको विकास र अबको पत्रकारिता’ (डिजिटल जर्नालिजम) विषयक गण्डकी प्रदेश स्तरिय अन्तरक्रिया कार्यक्रममा ग्लोबल मल्टिमिडिया जर्नालिष्ट रजनीश भण्डारीले कार्यपत्र प्रस्तुत गर्नु भएको थियो ।


नेपाल आदिवासी जनजाति पत्रकार महासंघ (फोनिज) गण्डकी प्रदेशका अध्यक्ष एमबी आस्था मगरको सभापतित्वमा सम्पन्न कार्यक्रममा संस्थाका सचिव खीमा गुरुङले स्वागत गर्नु भएको थियो भने सदस्य सुनिता रानाले कार्यक्रम सञ्चालन गर्नु भएको थियो ।

Facebook Comments Box